მთავრობის ადმინისტრაცია მილიონიან კონტრაქტზე: ,,ხელისუფლება კეთილგონივრულად განკარგავს ბიუჯეტს”

პოლიტიკა - 17:34, 18 Aug, 2015

1803

საქართველოს მთავრობის მიერ ლობისტური კომპანიის დაქირავებასთან შესახებ გავრცელებულ ინფორმაციასთან დაკავშირებით „ნიუპოსტი“ მთავრობის ადმინისტრაციის პრესსამსახურს დაუკავშირდა. პრეს-სამსახურის განცხადებით საქართველოს ხელისუფლება ისევე როგორც სხვადასხვა ქვეყნების მთავრობები, სარგებლობს ლობისტური მომსახურებით, ამასთანავე, მათი თქმით ამჟამინდელი ხელისუფლება კეთილგონივრულად განკარგავს ბიუჯეტს. კონტრაქტის ფინანსური მოცულობა ბევრად უფრო მცირეა, ვიდრე წინა ხელისუფლება მსგავს კონტრაქტებზე ხარჯავდა:

„აშშ-სა და მსოფლიოში ერთ-ერთი წამყვანი იურიდიული ფირმა Pillsbury მთავრობას დახმარებას უწევს აშშ-სა და მთელი მსოფლიოს მასშტაბით აშშ-საქართველოს ორმხრივი ურთიერთობებისა და სამთავრობო პოლიტიკის სხვა მნიშვნელოვანი ასპექტების შესახებ ინფორმაციის მიწოდებაში.

კომპანია Pillsbury ემსახურება Fortune 500 სიაში შესულ 100-ზე მეტ კომპანიას. მის ამჟამინდელ და ყოფილ კლიენტებს შორის არიან სხვადასხვა ქვეყნების მთავრობები; Chevron Corporation; სტენფორდის უნივერსიტეტი; NIKE და მრავალი სხვა. ბუნებრივია, Pillsbury, საქართველოს მთავრობას მასშტაბურ დახმარებას უწევს ყველა მიმართულებით. გაერო-ს გენერალურ ასამბლეაზე საქართველოს დელეგაციის მონაწილეობა მხოლოდ ერთ-ერთი ღონისძიებაა, რომლის ეფექტურად განხორციელებაში ჩართულია Pillsbury. წინა მთავრობებისგან განსხვავებით, ამჟამინდელი ხელისუფლება კეთილგონივრულად განკარგავს ბიუჯეტს. კონტრაქტის ფინანსური მოცულობა ბევრად უფრო მცირეა, ვიდრე წინა ხელისუფლება მსგავს კონტრაქტებზე ხარჯავდა“, - განუცხადეს ,,ნიუპოსტს" მთავრობის ადმინისტრაციის პრესსამსახურში.