"უძლური ქალი მთელი ძალით დაენარცხა მიწას"- წერეთელზე სამი ქალი სკვერში ცხოვრობს

პოლიტიკა - 14:58, 17 Aug, 2015

3392

„კვირის პალიტრა“ მეტრო „წერეთელთან“ მდებარე სკვერში მცხოვრები ოჯახის შესახებ წერს. ბებია, შვილი და სტუდენტი შვილიშვილი, უსახლკაროდ ბინის იპოთეკით დატვირთვის შემდეგ გახდნენ. თამარ კოკაიამ ბინა იპოთეკით ახვა ადამიანის გამო დატვირთა, პირდებოდნენ რომ რესტორნის მფლობელი პიროვნება, მის სესხსაც გაისტუმრებდა და ყოველთვიურ მოგებასაც მიცემდა თუმცა ეს ასე არ მოხდა:

ეს ხდება ისე, რომ ჩემნაირები აზრზეც ვერ მოდიან, რა შავ დღეს უმზადებენ თაღლითები. ვიჩივლე, მაგრამ რა ხეირი?! ამასობაში კი უფრო მეტ უბედურებაში გავეხვიე, - ასეთ დროს თითქოს ადამიანს ბოროტი მართავს, თორემ გონზე რომ ვყოფილიყავი, ბინას გავყიდდი, იპოთეკარს თავისას მივცემდი და რაც დამრჩებოდა, იმ ფულით სარდაფში მაინც ვიცხოვრებდი. მე კი ამის ნაცვლად

ბინა მეორე იპოთეკარს 22 000 დოლარად მივეცი, ამ ფულით პირველი იპოთეკარი გავისტუმრე და სულ დავიღუპე. ბინა კიდეც რომ გამეყიდა, გროშებიც აღარ დამრჩებოდა. ასე აღმოვჩნდი ქუჩაში...

ერთხანს გათხოვილ შვილთან ვცხოვრობდით. მერე მივხვდი, თუ მისი ბინიდან არ წამოვიდოდით, ჩემს მეორე შვილსაც გავაუბედურებდი. მას შემდეგ აქ ვართ. წერეთლის მეტროს სკვერში გათენებამდე სამივე ერთმანეთს მივეყრდნობით, ასფალტზე რომ არ გადავვარდეთ. ერთ ღამეს დედას ისე ჩაეძინა, რომ 84 წლის უძლური ქალი მთელი ძალით დაენარცხა მიწას. სულ დაჟეჟილია. ფეხები ისე დაუსივდა“- აცხადებს თამარ კოკაია.