"რესპუბლიკელები ქვეყანაში პოლიტიკურ სურათს რადიკალურად შეცვლიან"

პოლიტიკა - 12:42, 17 Aug, 2015

8180

იურისტი ვალერი გელბახიანის შეფასებით, იმის გამო, რომ შსს-მინისტრის პორტფელი ხელისუფლებას მათ სასარგებლოდ ნებით ვერ დაათმობინეს, ისინი მთავარი პროკურორის პოსტის ხელში ჩაგდებას ძალით შეეცდებიან, ე.წ კაბელების საქმეზე ბრალდებულების თავდაცვის სამინისტროში თანამდებობებზე აღდგენასაც გელბახიანი ამ კონტექსტში განიხილავს

„თუ არ მიიღებენ, მაშინ მთავრობა ახალ ახალ დარტყმებს უნდა ელოდოს შემოდგომაზე, რომელიც ხელისუფლებისთვის ძალიან სახიფათო დროა. როგორც ჩანს , ეს ყველაფერი რესპუბლიკელებს გათვლილი აქვთ და ამიტომაც უტევენ კოალიციის ლიდერებს ასეთი ფორმით. ნუ დაგავიწყდებათ, რომ რესპუბლიკელები თვითონ არიან ხელისუფლებაში და სწორედ ეს არის ხელისუფლებისთვის საშიში. თუ ქართულ ოცნებასთან აღარ ითანამშრომლებენ, მაშინ პარლამენტსა და მთავრობაში მოკალათებული რესპუბლიკელები ქვეყანაში პოლიტიკურ სურათს რადიკალურად შეცვლიან. ეს ნიშნავს ახალი მთავრობის ჩამოყალიბებას... ახალი მთავრობის ჩამოყალიბების შემდეგ კი „ქართული ოცნება“ არჩევნებში გაიმარჯვებს თუ არა ღმერთმა უწყის. როგორც კი „ქართული ოცნება“ სახელისუფლებო ბერკეტებს დაკარგავს. ის არჩევნებს წააგებს.“- განაცხადა ვალერი გელბახიანმა.

გელბახიანის თქმით, პოლიტიკური ინტერესებიდან გამომდინარე ნაციონალებს და რესპუბლიკელებს ერთმანეთის მიმართ არსებული წყენა დაავიწყდებათ:

"თუ ამ პარლამენტში რესპუბლიკელები, "თავისუფალი დემოკრატები", ნაცები და განაწყენებული დეპუტატები შეერთდნენ, შეიქნმება უმრავლესობა, რომელიც დღევანდელ ხელისუფლებას გადაიყოლებს! არ დაგვავიწყდეს ისიც, რომ ამ ძალებს ფაქტობრივად თანაუგრძნობს პრეზიდენტი მარგველაშვილიც..."- აღნიშნავს გელბახიანი.