„ევროპელი დემოკრატების“ ლიდერი პაატა დავითაია „რუსთავი 2“-ის წინააღმდეგ მიმდინარე დავას პოლიტიკურ პროცესს უწოდებს და პროცესების უკან ხელისუფლების კვალს ხედავს.

ამის შესახებ დავითაიამ „ნიუპოსტს“ განუცხადა.

„დღეს შეხვდით ტელეკომპანიის ხელმძღვანელობას, იურისტებისგან მოვისმინეთ დავასთან დაკავშირებით დეტალური ინფორმაცია. ნაკლებად შეიძლება ამას სამართლებრივი პროცესი ვუწოდოთ. ვფიქრობ, საქმე გვაქვს პოლიტიკურ პროცესთან. თუ ხელისუფლებამ არ გაითვალისწინა რა მოსდევს ასეთ პოლიტიკურ პროცესებს, ეს ხელისუფლება ძალიან ცუდათ დაამთავრებს. მსგავსი პროცესები აუცილებლად მთავრდება ხელისუფლების ცვლილებით“, - აცხადებს დავითაია.

ტელეკომპანია „რუსთავი 2“-ის გარშემო მიმდინარე პროცესებზე ინფორმაცია დღეს არხის ხელმძღვანელებმა პოლიტიკური პარტიის წარმომადგენლებს მიაწოდეს. შეხვედრას საპარლამენტო და არასაპარლამენტო ოპოზიციის ლიდერები ესწრებოდნენ. არხის ხელმძღანელმა მათ სარჩელის კონკრეტული დეტალები გააცნო. შეხვედრა 2 საათის განმავლობაში მიმდინარეობსა. როგორც ნიკა გვარამიამ განაცხადა რუსთავი 2-ის საქმე გახდა წყალგამყოფი პოლიტიკურ ძალებს შორის.