„თავისუფალი დემოკრატების“ ერთ-ერთი ლიდერი ნინო გოგუაძე „რუსთავი 2“-ის წინააღმდეგ მიმდინარე დავას პოლიტიკურ პროცესს უწოდებს.

ამის შესახებ გოგუაძემ ტელეკომპანიის ხელმძღვანელობის და საპარლამენტო და არასაპარლამენტო ოპოზიციური პარტიების შეხვედრის შემდეგ განაცხადა.

მისი თქმით, მიმდინარე პროცესების უკან ხელისუფლება დგას.

„ეს იყო პოლიტიკური პროცესი, რომელიც იმართება ხელისუფლებისგან და როდესაც ხელისუფლება ებრძვის მედიას, ყველამ უნდა დაიკავოს ხელისუფლებისგან დამოუკიდებელი მედიის მხარე, რადგან სიტყვის თავისუფლება ეს არის ფუნდამენტური ღირებულება, რომელზეც დამოკიდებულია დემოკრატიის ხარისხი. იქ, სადაც სიტყვის თავისუფლება იზღუდება, ადამიანის ყველა სხვა უფლება გაყალბებული და შეზღუდულია“, - ამბობს გოგუაძე.