გარემოს დაცვის მინისტრი დადებითად აფასებს რუსეთის გადაწყვეტილებას, რომლის თანახმად საქართველო „შავ სიაში“ არ მოხვდა.

გიგლა აგულაშვილის თქმით, ეს მესიჯი მიმდინარე ვითარებაში, რთველის წინ, კარგი სიგნალია ბიზნესმენებისთვის, რომ მათ არ შეაფერხონ საქმიანობა,

„ის, რომ საქართველო რომ არ მოხვდა ამ კონტრსანქციებში, შეიძლება მივიჩნიოთ კონკრეტულ ვითარებაში ერთგვარ ფრთხილ შეფასებად. შეფასება ჩვენი მხრიდან ფრთხილად მოპყრობას და დაფიქრებას მოითხოვს. ეს მესიჯი მიმდინარე ვითარებაში ანუ რთველის წინ არის კარგი სიგნალი ბიზნესმენებისთვის, რომ მათ არ შეაფერხონ საქმიანობა. იცით, რომ ღვინისა და ღვინომასალების დიდი რაოდენობა სწორედ რუსეთის მიმართულებით გადის. ეს კიდევ ერთხელ ეუბნება საქართველოს ხელისუფლებას, რომ უნდა გავაგრძელოთ ჩვენი მუხლჩაუხრელი შრომა ახალი ბაზრის ათვისებისთვის. არ ვიყოთ დამოკიდებული ცალკეული ადამიანების და პოლიტიკური ჯგუფების ნებაზე“, - განაცხადა აგულაშვილმა.

დმიტრი მედვედევის ”შავ სიას” რომელშიც რუსეთმა მხრიდან სანქცირებული ქვეყნები შედის და რომელსაც დღეს ალბანეთი, მონტენეგრო, ისლანდია და ლიხტენშტაინი დაემატა საქართველო არ მოხვდა. აღნიშნული ფაქტი, რუსეთის მთავრობამ იმ ფაქტით ახსნა, რომ მათ საქართველოსთან აქტიური ურთიერთობები და მაღალი სავაჭრო ბრუნვა არ აქვთ, ამიტომ საქართველოს ჩართვა საკვები პროდუქტების ემბარგოს ნუსხაში აზრს მოკლებული იქნებოდა.