"არ ღირდა ლიონელ მესის ნახვა..."- აფხაზ ახალგაზრდებს თბილისში მატჩზე დასწრების გამო აკრიტიკებენ

პოლიტიკა - 16:14, 13 Aug, 2015

11852

აფხაზი ჟურნალისტი ინალ ხაშიგა 11 აგვისტოს გამართული სუპერთასის მატჩზე დასასწრებად აფხაზეთიდან ჩამოსული მოქალაქეებს აკრიტიკებს, მისი თქმით არსებული რეალიების გათვალისწინებით თბილისში გამართულ მატჩზე აფხაზი ახალგაზრდები არ უნდა წასულიყვნენ და ლიონელ მესის ნახვის გამო აფხაზეთის მიერ გაღებული მსხვერპლი არ უნდა დაევიწყებინათ:

"ჩვენ ჩვენ თავზე გამოვცადეთ, რომ სპორტი და განსაკუთრებით ფეხბურთი პოლიტიკისგან შორს არაა. ეს აისახა ჩვენი ფეხბურთის იზოლაციაშიც. ცოტა ხნის წინ ჩვენმა ნაკრებმა ვერ შეძლო ConIFA-ს ჩემპიონატში მონაწილეობა, იმის გამო, რომ საქართველოს ფეხბურთის ფედერაცია, ამას აქტიურად აპროტესტებდა.

ფეხბურთის სიყვარული საჭიროა, მაგრამ ვფიქრობ, რომ ჩვენს ახალგაზრდებს თბილისში წასვლა ამად არ უღირდათ. გასათვალისწინებელია არსებული რეალობები და ის, რომ ჩვენ ჯერ კიდევ საომარ მდგომარეობაში ვიმყოფებით. არ ღირდა ლიონელ მესის ნახვა იმად, რომ იგნორირება გაეკეთებინათ, იმ უზარმაზარი მსხვერპლის, რომელიც ჩვენმა ხალხმა იწვნია. მე არ მსურს , რომ ეს ახალგაზრდები მოღალატეებად შერაცხონ , მაგრამ ეს იმგვარი საქციელის, რომლის ჩადენამდე დაფიქრებაა საჭირო“- განაცხადა ჟურნალისტმა.