მედიის თავისუფლების უზრუნველსაყოფად ნაბიჯები უნდა გადაიდგას

მედიის თავისუფლების უზრუნველსაყოფად ნაბიჯები უნდა გადაიდგას - ევროკავშირის წარმომადგენელი

პოლიტიკა - 15:09, 13 Aug, 2015

1542

„რუსთავი 2“-ის გარშემო განვითარებული მოვლენები დღეს ტელეკომპანიის ხელმძღვანელობამ და იურისტებმა დიპლომატიური კორპუსის წარმომაგენლებს გააცნეს, ტელეკომპანიაში ასევე იმყოფებოდა საქართველოში ევროკავშირის წარმომადგენლობის ხელმძღვანელის მოადგილე. ბორის იაროშევიჩიც. იაროშევიჩის თქმით მნიშვნელოვანია, რომ ხელისუფლებამ და სასამართლომ მედიის თავისუფლება დაიცვას და ამის უხრუნველსაყოფად შესაბამისი ნაბიჯები გადადგას:

"საქართველოში 4 წელია ვმუშაობ და ბევრი განხილვა მსმენია რუსთავი 2-ის შესახებ. ჩვენთვის, რა თქმა უნდა, მედიის თავისუფლება ძალიან მნიშვნელოვანია. ასევე გვჯერა, რომ მართლმსაჯულება დამოუკიდებელი უნდა იყოს საქართველოში, ამ კუთხით დიდი პროგრესი ვნახეთ ბოლო წლებში და ნამდვილად გვჯერა, რომ თქვენი სარჩელი წარმატებული იქნება და არ იქნება ზეწოლა კერძო მედიასაშუალებაზე. ჩვენ გავაგრძელებთ მედიის თავისუფლების დაცვას საქართველოში, როგორც ზოგადად, ისე ამ შემთხვევაში განსაკუთრებით. გვჯერა, რომ მართლმსაჯულებაც და ხელისუფლებაც გააცნობიერებს, რომ მედიის თავისუფლების უზრუნველსაყოფად ნაბიჯები უნდა გადაიდგას. ჩვენ ამ საკითხს ხელისუფლებასთან შეხვედრის დროსაც წამოვწევთ, რადგან ჩვენ გვაქვს ასოცირების ხელშეკრულება საქართველოსთან, გვაქვს დიალოგი და ვფიქრობთ, რომ გულახდილად შეგვიძლია გამოვხატოთ ხელისუფლებასთან ის, რაც გვაწუხებს," - განახაცხადა შეხვედრის დასრულების შემდეგ ბორის იაროშევიჩმა.