ეროვნული ბანკის პრეზიდენტი გიორგი ქადაგიძე მთავრობის და მმართველი გუნდის წევრების ბრალდებებს უარგუმენტოს უწოდებს.

მისი თქმით, მსგავსი ბრალდებები ქვეყნის ეკონომიკისთვის მავნებელია.

„უკვე ტრადიციად იქცა მთავრობის წევრებისა და კოალიციის ლიდერების მხრიდან ყოვლად უარგუმენტო და კომიკური ბრალდებები. ჩვენ არც წარსულში და არც ახლა, ვაპირებთ ამ პროცესში ჩართვას. ეროვნული ბანკი იმ პასუხისმგებლობას იზიარებს, რაც უწყებას აკისრია, მის მიმართ გამოთქმული ბრალდებები კი, ქვეყნის ეკონომიკისთვის ცუდია. მიგვაჩნია, რომ ეს არის ძალიან ცუდი და მავნებელი ჩვენი ეკონომიკისთვის. ამ ყოვლად უარგუმენტო ბრალდებების ფასს თითოეული ჩვენი მოქალაქე საკუთარი ჯიბით იხდის. ახლა არ არის ბრალდებების დრო, ახლა 24 საათიანი მუშაობის დროა“, - განმარტა ქადაგიძემ.