თავდაცვის მინისტრი „რუსთავი 2“-ის გარშემო მიმდინარე მოვლენებს ეხმაურება და ამბობს, რომ ყველაფერი სასამართლო პროცესზე გამოჩნდება.

მისი თქმით, დღეს ტელეკომპანიის ხელმძღვანელობას არ ჰყოფნის ვაჟკაცობა, რომ ხალხს სიმართლე უთხრას.

„თავისუფალ სიტყვას დაცვა ჭირდება, თუმცა ის დასაცავი არ უნდა გახდეს არასდროს და მე არ მგონია, რომ დღეს ამასთან გვაქვს საქმე. სამწუხარო ის არის, რომ დღეს არავის ყოფნის „რუსთავი 2“-ის ხელმძღვანელობიდან იმის ვაჟკაცობა, რომ სიმართლე უთხრას ხალხს, რომელსაც მხარდაჭერას თხოვს. შეუძლებელია იყო სოლიდარული ადამიანების მიმართ, რომლებიც მზად არიან ხვალაც ზუსტად ისე მოგექცნენ, როგორც გუშინ გექცეოდნენ“, - განაცხადა თინა ხიდაშელმა.