პრემიერმა ინფრასტრუქტურის მინისტრს, ნოდარ ჯავახიშვილს დიდგორის ველზე ინფრასტრუქტურის განახლებისა და სათანადო პროექტირების დაწყების დავალება მისცა.

ირაკლი ღარიბაშვილის თქმით, დიდგორობა საამაყო დღესასწაულია და ყოველ წელს იქ მისვლა არა მხოლოდ მთავრობამ, არამედ მოსახლეობამაც უნდა შეძლოს.

მთავრობის მეთაურმა განათლების მინისტრსაც მიმართა, რომ სკოლის დირექტორებმა მოსწავლეები დიდგორის ველზე ჩამოყვანონ.

„მინდა ორი ინიციატივის შესახებ განგიცხადოთ - აქ განსაახლებელია ინფრასტრუქტურა, მინდა ნოდარ ჯავახიშვილს დავავალო, რომ დავიწყოთ პროექტირება. გუბერნატორს ამის შესახებ დავალევა უკვე მივეცი. გვინდა, მომავალ წელს განახლებული მოედანი იყოს და ყველაფერი ისე მოეწყოს, როგორც ჩვენ დიდ მეფეს ეკადრება. კიდევ ერთი ინიციატივა არის ის, რომ მინდა განათლების მინისტრს მივცე დავალება, რომ ყოველწლიურად ყველა სკოლის დირექტორს დაევალოს, ბავშვების აქ ჩამოყვანა და დიდგორის ველის ჩვენება“, - განაცხადა პრემიერმა.