"ეს ნაგავიც უნდა იყოს ქართულ სატელევიზო სივრცეში"- ლევან ბერძენიშვილი "რუსთავი 2"-ის შესახებ

პოლიტიკა - 18:28, 11 Aug, 2015

5136

"რუსთავი 2" დასავლეთს რომ თავის სასარგებლოდ გამოიყენებს, ამას არ უნდა ბევრი ლაპარაკი. ეს იქნება ქვეყნის პრობლემა, ტელევიზიაში მიმდინარე პროცესი ქვეყანას სარგებელს ვერ მოუტანს. ყველა შემთხვევაში ეს პროცესი სახელმწიფოსთვის დამაზიანებელია", - ამბობს "რეზონანსთან" საუბრისას ევროპასთან ინტეგრაციის კომიტეტის თავმჯდომარე, "რესპუბლიკელი" ლევან ბერძენიშვილი.

დეპუტატის თქმით ხელისუფლება ტელევიზიის საქმეებში არ ერევა, თუმცა კერძო პირებს აქვთ უფლება, სასამართლოში იდავონ, ბერძენიშვილის თქმით მთავარია სასამართლოს საქმეებში არავინ ჩაერიოს:

„ნიკა გვარამია საინტერესო რაღაცას ამბობს, ხალვაში და აქიმიძე-დვალი და სხვები ერთად ვერ იქნებიან. ყველას სხვადასხვა ინტერესი აქვს. ხელისუფლებისკენ ხელის გაშვერა ადვილია. მაგან კარგად იცის ეგეთი ამბები როგორ ხდება. ნიკა გვარამია არის ადამიანი, რომელმაც ტელევიზიის საშუალებით ადამიანები აგენტებად გამოაცხადა და სხვა ტელევიზიების დაყადაღებაზე ისტორიული სიტყვა თქვა. ამის შემდეგ გვარამია ჩემთვის ადამიანიც აღარ არის.“- აცხადებს ლევან ბერძენიშვილი. მისი თქმით იმის თქმა რომ რუსთავი ორის გარშემო განვითარებული მოვლენებით სიტყვის თავისუფლება იზღუდება გადაჭარბებულია:

„ეს არის უსიამოვნო ამბები, მაგრამ ეს არ არის სიტყვის თავისუფლების შეზღუდვა. მაგ ტელევიიზიის ამბები უკანასკნელი წლების განმავლობაში არის ბანდიტური გარჩევების, დაყაჩარების კლასიკური მაგალითი. ვის ეკუთვნოდა თავიდან, ვიცით, მაგრამ მერე ვის ხელში აღმოჩნდა ეს კანონიერად, არ ვიცით. თუ მიხეილ სააკაშვილის გავლენის ქვეშ არ იქნება ტელევიზია, ამით ტრაგედია არ შეიქმნება, მაგრამ ხელისუფლება მის საქმეებში არ ჩაერევა.“- აღნიშნავს დეპუტატი.

ლევან ბერძენიშვილის თქმით „რუსთავი 2" დასავლეთს რომ თავის სასარგებლოდ გამოიყენებს

„ეს იქნება ქვეყნის პრობლემა, ტელევიზიაში მიმდინარე პროცესი ქვეყანას სარგებელს ვერ მოუტანს. ყველა შემთხვევაში ეს პროცესი სახელმწიფოსთვის დამაზიანებელია,დიახ, დასავლეთისგან იქნება შენიშვნები, ეს კი ბუნებრივია. "ნაცმოძრაობაც" იტყვის, რომ ვართმევთ ტელევიზიას და დეპუტატების ლიკვიდაციას ვაპირებთ, მაგრამ მთავარია, სასამართლო იყოს დამოუკიდებელი. თქვენ იგრძენით რაიმე ცვლილება რუსთავი 2 - სგან? მე - არა, მაგრამ მიმაჩნია, რომ ეს ნაგავიც უნდა იყოს ქართულ სატელევიზო სივრცეში"- განაცხადა ლევან ბერძენიშვილმა.

წყარო „რეზონანსი“