,,მთავრობის კაპიტულანტური პოლიტიკით, ოკუპაციის პროცესი არასოდეს დასრულდება“

,,მთავრობის კაპიტულანტური პოლიტიკით, ოკუპაციის პროცესი არასოდეს დასრულდება“ - უტიაშვილი

პოლიტიკა - 17:36, 11 Aug, 2015

1627

შსს-ს საინფორმაციო-ანალიტიკური დეპარტამენტის ყოფილი უფროსი შოთა უტიაშვილი, არაადეკვატურს უწოდებს საქართველოს ხელისუფლების წარმომადგენლების განცხადებას იმის შესახებ, რომ საზღვარმა 2008 წელს გადმოიწია და ახლა მისი ტექნიკური აღჭურვა ხდება. როგორც უტიაშვილმა „ნიუპოსტთან“ საუბარში განაცხადა, ბოლო დროს ოკუპირებული ტერიტორიები აქამდე საქართველოს კონტროლქვეშ იყო და ქართველი ფერმერები იქ შესვლას და მიწის დამუშავებას ახერხებდნენ:

„თუ აქამდე ქართველი ფერმერები შედიოდნენ და მიწას ამუშავებდნენ, ე.ი ის ტერიტორია იყო ჩვენს კონტროლქვეშ. თუ მთავრობამ მსგავსი უშინაარსო და კაპიტულანტური ნაბიჯები დაუპირისპირა რუსეთის ამ პოლიტიკას, და ადეკვატურ ქმედებებზე არ გადავიდა ოკუპაციის პროცესი არ დასრულდება არასოდეს.“- განაცხადა უტიაშვილმა.

შსს-ს საინფორმაციო-ანალიტიკური დეპარტამენტის ყოფილი უფროსის თქმით, საქართველოს ხელისუფლება იმის საპირისპიროდ მოქმედებს, რასაც გააკეთებდა ნებისმიერი ნორმალური თავმოყვარე მთავრობა:

„როდესაც რუსეთი ახდენს ტერიტორიის ანექსიას, მთავრობამ არ უნდა იძახოს, რომ რუსეთთან ურთიერთობა დაალაგა. არ უნდა თქვას, რომ ეს ყველაფერი ადრე იყო ოკუპირებული და ახლა ამას მნიშვნელობა არ აქვს. მთავრობა მოქმედებს იმის საწინააღმდეგოდ, რასაც ნებისმიერი ნორმალური თავმოყვარე მთავრობა გააკეთებდა.“- აღნიშნა შოთა უტიაშვილმა.