,,ქალბატონი ხიდაშელი თავისი განცხადებით რუსული ოკუპაციის ლეგიტიმაციას ახდენს“

,,ქალბატონი ხიდაშელი თავისი განცხადებით რუსული ოკუპაციის ლეგიტიმაციას ახდენს“ - დარჩიაშვილი

პოლიტიკა - 14:41, 11 Aug, 2015

1572

„ნაციონალური მოძრაობის“ წევრი დავით დარჩიაშვილი ამბობს, რომ საქართველოს ხელისუფლება რუსეთის ქმედებების „გაპრავებას“ ცდილობს.

ამის შესახებ დარჩიაშვილმა „ნიუპოსტთან“ საუბრისას განაცხადა.

მან უარყოფითად შეაფასა მთავრობის წარმომადგენლების განცხადება, რომ საზღვარმა 2008 წელს გადმოიწია და ახლა მისი ტექნიკური აღჭურვა ხდება.

„ქალბატონი ხიდაშელი ამ განცხადებით, ესმის ეს თუ არა, ფაქტიურად ლეგიტიმაციას ახდენს რუსული ოკუპაციის და საოკუპაციო ხაზის მოძრაობისა. ანუ რას ამბობენ, რომ რადგან ოკუპაციაა, ბარემ სადაც ადმინისტრაციული საზღვარი გადიოდა, ყველაფერი უპრობლემოდ იქნას იქ მიღებულიო? და მივიღოთ ეს როგორც რეალობა? ეს არის ანტისახელმწიფოებრივი მიდგომა და არ მომდინარეობს არც ქართული კანონმდებლობიდან. ოკუპირებული ტერიტორიების შესახებ კანონში წერია, რომ ტერიტორიები ყოფილი ოლქისა და ყოფილი აფხაზეთის რესპუბლიკისა ოკუპირებლია. იქ სულ არ არის მითითებული რა ტერიტორიებზეა საუბარი. თუ მაინცდამაინც მითითება უნდათ რამეზე, უნდა მიუთითონ ცეცხლის შეწყვეტის შესახებ შეთანხმებაზე, რომლის მთავარ სულისკვეთებაა, რომ დისლოკაციის ადგილზე დაბრუნდნე შეიარაღებული ძალები. ამ განცხადებებით ჩვენს ვაი ხელისუფლებას, იმის ,,გაპრავება" გამოსდით რასაც რუსეთი აკეთებს“, - ამბობს დარჩაშვილი.