ოდესის გუბერნატორი მიხეილ სააკაშვილი, მის რეგიონში ცნობილი მომღერლების სტუმრობის შესახებ სოციალურ ქსელში წერს. სააკაშვილის თქმით ოდესა და უკრაინა ღიაა ყველა იმ არტისტისთვის, რომელიც უკრაინის ერთაიანობას პატივს სცემს. როგორც ის აცხადებს ოდესაში უახლოეს მომავალში ჩასვლას აპირებს ცნობილი რუსი როკმომღერალი ანდრეი მაკარევიჩი. სააკაშვილი მასთან ნინო ქათამაძის და ბორის გრებენშიკოვგის სტუმრობასაც იხსენებს და ამ მოვლენის ამსახველ ვიდეოს საკუთარ ფეისბუკგვერდზე აქვეყნებს.

„ძალიან მოხარული ვარ, რომ ამ ზაფხულს ოდესაში რეკორდული რაოდენობის დამსვენებელი ჩამოვიდა. ძალიან ბევრი შემსრულებელი ჩამოდის სხვადასხვა ქვეყნიდან, მათ შორის რუსეთიდანაც. ვინც უკრაინის ერთიანობას პატივს სცემს , საზღვარზე ყველას მწვანე შუქი აქვს. მე პირადად მიყვარს რუსული კულტურა. დიდი სიამოვნებით ვუსმენდი გუშინ „ევგენი ონეგინს“ ოდესის ოპერაში, სადაც სხვა შემსრულებლებთან ერთად რუსო შემსრულებლებიც გამოდიოდნენ.

მალე ჩვენთან ჩამოდის ანდრეი მაკარევიჩი, ჩვენ ღია ვართ ყველა ნიჭიერი და საინტერესო ადამანისთვის. გასულ კვირას კი ოდესაში დიდი წარმატებით გამოდიოდა ბორის გრებენშიკოვი. კონცერტის შემდეგ ის, მისი ჯგუფი და განსაცვიფრებელი ნინო ქათამაძე, რომელიც ასევე ოდესაში მღეროდა გვესტუმრნენ და დაღლილობის მიუხედავად დილამდე ვსაუბრობდით და ვმღეროდით. უკრაინული ცის ქვეშ ორი ნიჭიერი ადამიანის დაუვიწყარი დუეტი შედგა.“- წერს მიხეილ სააკაშვილი.