შემოსავლების სამსახური სუპერთასის ბილეთებთან დაკავშირებით განცხადებას ავრცელებს

პოლიტიკა - 12:30, 11 Aug, 2015

4341

შემოსავლების სამსახური გავრცელებულ ინფორმაციას ეხმაურება, რომლის თანახმადაც სამსახურის თანამშრომლებმა მოქალაქეებს სუპერთასის ბილეთების გაყიდვის საშუალება არ მისცედს და საგანგებო განცხადებას ავრცელებს.
"შემოსავლების სამსახური პრესაში გავრცელებული ინფორმაციის საპასუხოდ, თითქოს ჩვენმა თამამშრომლებმა მოქალაქეებს ევროპის სუპერთასის საკუთარი ბილეთების გაყიდვისის საშუალება არ მისცეს, მეტიც, მოახდინეს აღნიშნული ბილეთების კონფისკაცია, ვაცხადებთ: გავრცელებული ინფორმაცია სიმართლეს არ შეესაბამება.

შემოსავლების სამსახურის არცერთი თანამშრომელი ამგვარ ქმედებაში ჩართული არ ყოფილა, იმ მარტივი მიზეზის გამო, რომ კანონმდებლობა საკუთარი ბილეთ(ებ)ის რეალიზაციის დაბეგვრას არ ითვალისწინებს.

გარდა ამისა, გამოქვეყნებულ სტატიაში შემოსავლების სამსახურის, კერძოდ საგადასახადო მონიტორინგის დეპარტამენტის თანამშრომლები მოხსენებულები არიან უცენზურო ეპითეტით. შესაბამისად, გავრცელებული ინფორმაცია, ასევე სტატიის სათაური „საგადასახადომ მოქალაქეებს სუპერთასის ბილეთები გაყიდვისას წაართვა“ სიცრუეა და კანონაღმასრულებელი სტრუქტურის დისკრედიტაციას ემსახურება,"-ნათქვამია განცხადებაში.