"ბარსელონა დაჯილდოების ცერემონიაზე რუსთავი 2-ის ლოგოიანი მაისურებით გამოვა"

სოც.მედია - 17:30, 10 Aug, 2015

18102

ექსპერტი რომან გოცირიძე „ბარსელონას“ ფეხბურთელების თბილისში ჩამოსვლას სოციალური ქსელით ეხმაურება და ქვეყანაში განვითარებულ მოვლენებთან დაკავშირებით სახუმარო ჩანახატს აქვეყნებს:

„ეს განცხადება, რომელიც ახლახან თბილისის აეროპორტში გაკეთდა, შოკისმომგვრელი იქნება საქართველოს ხელისუფლებისათვის:

" ჩვენ, საფეხბურთო კლუბ ბარსელონას ფეხბურთელები და სამწვრთნელო შტაბი დიდი გულისყურით ვადევნებთ თვალს რუსთავი 2-ის მიმართ განხორციელებული დევნის პროცესს და მოვუწოდებთ საქართველოს ხელისუფლებას, პატივი სცეს სიტყვის თავისუფლებას.

ვუცხადებთ რა სოლიდარობას, ხვალინდელ გამარჯვებას ვუძღვნით რუსთავი 2-ს და დაჯილდოების ცერემონიაზე გამოვალთ მისი ლოგოთი გამოსახული მაისურებით.

ვთხოვთ ჩვენს გულშემატკივარს ყველა ქვეყნიდან, ყოველი გატანილი გოლი აღნიშნოს შეძახილით " რუს-თა-ვი", "რუს-თა-ვი"!

ჩვენს მოწოდებას უერთდება ნეიმარიც, რომელიც ყბაყურის გამო ვერ ჩამოვიდა თბილისში. იგი "ჩემი ცოლის დაქალების" მუდმივი მაყურებელია, რომლის პორტუგალიურ ენაზე თარგმნას უზრუნველყოფს საქართველოს საელჩო ლისაბონში.

საფეხბურთო კლუბ ბარსელონას სახელით:

ლიონელ მესი, ანდრეს ინიესტა, ჟერარდ პიკე, სერხიო ბუსკეტსი, დანი ალვეში.“- წერს რომან გოცირიძე.