ტელეკომპანიის ლოგო,"ჯეობარი" და "ფორტბოიარდი"- რას ედავება ხალვაში "რ2"-ს

პოლიტიკა - 15:28, 10 Aug, 2015

5049

ტელეკომპანია რუსთავი ორის იურისტს ქიბარ ხალვაშის მიერ რუსთავი ორის საქმეზე სასამართლოში შეტანილი სარჩელის მასალები გადაეცა. „რუსთავი2“-ის იურისტის თამთა მურადაშვილის თქმით ტელეკომპანიიის წინააღმდეგ შეტანილი სარჩელი სასაცილოა და მოსამართლის მიღებული განჩინება შოკისმომგვრელია. იურისტის თქმით სარჩელი ორ ნაწილადაა გაყოფილი პირველი ნაწილი საავტორო უფლებების დარღვევას ეხება, "სარჩელი მოკლედ რომ შევაფასოთ არის სასაცილო, მოსამართლის მიერ მიღებული განჩინება - შოკის მომგვრელია. სარჩელის პირველი ნაწილი ეხება საავტორო უფლებებს. ქიბარ ხალვაში აცხადებს, რომ არისრუსთავი 2-ის ლოგოს ავტორი, ასევე , პროექტების - უკანასკნელი გმირი, ჯეობარი და ფორდ ბოიარდი-ს ავტორი, რაც სასაცილოა და ის ამაში ითხოვს 500 ათასი აშშ დოლარის გადახდას კომპანიისგან“- აღნიშნა მურადაშვილმა.

სარჩელის მეორე ნაწილში კი ქიბარ ხალვაში საუბრობს იმაზე, თუ როგორ ძალადობით დაათმობინეს რუსთავი ორის წილი.

როგორც იურისტი აცხადებს სარჩელს მტკიცებულებების სახით მნიშვნელოვანი დოკუმენტები არ ახლავს. როგორც დემურიშვილი აცხადებს რუსთავი ორის წილის დათმობასთან დაკავშირებით სარჩელს თან ახლავს მისი უფლებების დამცველი ეკა ბესელიას საადვოკატო ბიუროსთვის გაგზავნილი წერილი. იურისტის თქმით, რუსთავი ორის გარშემო განვითარებული მოვლენები ხელოვნურად არის შექმნილი და სამაუწყებლო კომპანია მისი ქონების დაყადაღებასთან დაკავშირებით სასამართლოში სარჩელის შეტანას გეგმავს.