ენგურის ხიდთან, საოკუპაციო ხაზთან, რუსეთ-საქართველოს ომის წლისთავთან დაკავშირებით ნაციონალურმა მოძრაობამ და "თავისუფალმა ზონამ" რუსეთის ოკუპაცია გააპროტესტეს.

„დღევანდელი ხელისუფლებისთვის მთავარია საკუთარი ინტერესები, საკუთარი კეთილდღეობა და არა ქვეყნის სიძლიერე, ქვეყნის უსაფრთხოება და ინტერესები, მაგრამ მიუხედავად ამისა მთავარია ის, რომ საქართველოში არიან ადამიანები, რომლებსაც აქვთ გაუტეხელი ნება, ძალა და მოტივაცია იმისა, რომ ქვეყანა იყოს ძლიერი, გაერთიანებული,“-განაცხადა აკაკი მინაშვილმა.

რუსულ ოკუპაციაზე და საქართველოსთვის არსებულ საფრთხეებზე ისაუბრა ნაციონალური მოძრაობისკიდევე ერთმა წევრმა სერგო რატიანმა.

„ჩვენ უნდა ვაცნობიერებდეთ იმ საფრთხეს, რომელიც ყოველდღიურად მოდის ჩვენს წინააღმდეგ და ამასთან დაპირისპირება შესაძლებელია მხოლოდ ერთობით მხოლოდ სახელმწიფოს შენებით, დემოკრატიის შენებით. თავისუფალი ქვეყანა არის ის, რაც ყოფს ჩვენ და რუსეთს და მხოლოდ თანამედროვე ქვეყნის მშენებლობით ჩვენ შევძლებთ დავიცვათ საკუთარი თავი,“-აცხადებს სერგო რატიანი

ენგურის ხიდთან გამართული აქციის შემდეგ განმუხურში აგვისტოს ომზე გადაღებული ფილმის ჩვენება მოეწყო.