"თავისუფალი დემოკრატების" ერთ-ერთი ლიდერი ალექსი პერტიაშვილი საფუძვლიანს უწოდებს ვარაუდს, რომ „რუსთავი 2“-ის გარშემო მიმდინარე მოვლენების უკან ხელისუფლება დგას.

ამის შესახებ პეტრიაშვილმა ჟურნალისტებტან საუბრისას განაცხადა.

მისი თქმით, ნაკლებად დასაჯერებელია, რომ ეს არის ერთი კონკრეტული პიროვნების მიერ წამოწყებული დავა.

„ხელისუფლება ძალიან ძვირ ფასს გადაიხდის ამაში, თუ დროულად არ შეჩერდება ეს პროცესები. ვისაც როგორც არ უნდა მოსწონდეს ესა თუ ის მედიასაშუალება, მედიის წინააღმდეგ შეტევა როგორც მთავრდება, ჩვენ ქვეყანაში ყველამ კარგად ვიცით. არ აქვს ჩემთვის მნიშვნელობა, შეტევა იქნება "იმედზე", "რუსთავი 2"-ზე, თუ "ობიექტივზე". ეს არის თავისუფალი მედიასაშუალებები, რომლებიც უნდა იყოს დემოკრატიულ ქვეყანაში. წინააღმდეგ შემთხვევაში ეს იქნება ძალიან სერიოზული დარტყმა ქვეყნის იმიჯზე და ქვეყანას ძალიან ცუდი მიმართულებით წაიყვანს", - განაცხადა პეტრიაშვილმა.