BBC - საქართველოსა და რუსეთის პრემიერების განცხადებები აგვისტოს ომთან დაკავშირებით

პოლიტიკა - 13:15, 08 Aug, 2015

6601

"თბილისი იმედოვნებს, რომ აღადგენს დიალოგს თვითაღიარებულ რესპუბლიკებთან, აცხადებს საქართველოს პრემიერ მინისტრი ირაკლი ღარიბაშვილი, რომელმაც პატივი მიაგო რუსეთ-საქართველოს 2008 წლის აგვისტოს კონფლიქტის დროს დაღუპულებს," - ასე იწყებს 2008 წლის აგვისტოს ომისადმი მიღხვნილ სტატიას BBC, რომელსაც ქართველი და რუსი პრემიერ-მინისტრების განცხადებები უკომენტაროდ მოჰყავს:
"რა თქმა უნდა, ჩვენ უნდა გავაგრძელოდ გონივრული პოლიტიკა რუსეთთან მიმართებაში, მაგრამ ყოველთვის უნდა ვიყოთ პრინციპულები, რადგან ეს ჩვენი ტერიტორიებია და ქართველი ხალხი არასდროს შეეგუება იცხოვროს აფხაზებისა და ოსების გარეშე.
დღეს, რა თქმა უნდა აფხაზეთისა და ცხინვალის რეგიონის ოკუპაცია გრძელდება და ჩვენი ხელისუფლება გონივრული პოლიტიკით ცდილობს შეაცეროს ეს პროცესი. ჩვენთვის მთავარია მშვიდობა და სტაბილურობა. თუ ჩვენ გვინდა დავიბრუნოთ დაკარგული ტერიტორიები და ვიცხოვროთ ჩვენს აფხაზ და ოს ძმებთან ერთად , ეს უნდა მოხდეს მშვიდობიანი მოლაპარაკებების გზით," - განაცხადა ღარიბაშვილმა.
განცხადება გააკეტა ასევე რუსეთის პრემიერმა დიმიტრი მედვედევმა.
"შვიდი წელი გვაშორებს სამხრეთ ოსეთის წინააღმდეგ საქართველოს აგრესიის დღიდან. 2008 წლის 7-დან 8 აგვისტოს ღამეს საქართველოს რეგულარულმა არმიამ, გამოიყენა რა მძიმე არტილერია, ტანკები ავიაცია, საშინელი დარტყბა მიაყენა ცხინვალის საცხოვრებელ სახლებს, საავადმყოფოებს, სკოლებს. რამოდენიმე საათის განმავლობაში დაიღუპა და დაიჭრა ათასობით ადამიანი, დაიღუპა რუსი მშვიდობისმყოფელები, რომლებიც გაეროს ეგიდით რეგიონში მშვიდობას უზრუნველყოფდნენ.
დღეს ჩვენ აფხაზეთსა და სამხრეთ ოსეთს ვეხმარებით უსაფრთხო და მშვიდობიანი ცხოვრების აღდგენაში, აცხადებს რუსეთის პრემიერი.