თავდაცვის მინისტრი თინა ხიდაშელი ტელეკომპანია „რუსთავი 2“-ის გარშემო მიმდინარე მოვლენებს ეხმაურება და ამბობს, რომ პროცესი მაქსიმალურად გამჭირვალედ უნდა წარიმართოს.

ამის შესახებ ხიდაშელმა ჟურნალისტებთან საუბრისას განაცხადა.

„მთავარია, რომ პროცესი იყოს მაქსიმალურად გამჭირვალე და არავის დარჩეს კითხვები. ჩემი პოზიციაა, რომ „რუსთავი 2“-ის ტაბელური იარაღივით ერთი მინისტრიდან მეორე მინისტრზე გადაცემის შესახებ თქვენთვის ცნობილია ბოლო 2004 წლიდან მოყოლებული. ჩვენ ვხუმრობდით კიდევაც ოპოზიციაში როცა ვიყავით, ასეთი ცნობილი ანეკდოტი გვქონდა, რომ თავდაცვის მინისტრები როგორც აბარებენ საკუთარ პორტფელს, როდესაც მიდიან თანამდებობიდან, ასე აბარებენ „რუსთავი 2“-ის წილებსაც“, - აცხადებს თინა ხიდაშელი.