განათლების მინისტრი თამარ სანიკიძე „რუსთავი 2“-ის გარშემო მიმდინარე მოვლენებში ხელისუფლების კვალს გამორიცხავს.

მისი თქმით, საქმეში კითხვის ნიშნების არსებობას ოპოზიცია უწყობს ხელს.

„თუ სასამართლო პროცესებზე გვაქვს საუბარი, თუ მომჩივან ადამიანებზეა საუბარი, ეს პროცესები ხომ დასრულდება. ამის შემდეგ ყველაფერი ნათელი გახდება. კითხვები ჩნდება ყველაფრის ირგვლის, რაც კი ხდება. ამას დიდად უწყობს ხელს ოპოზიცია და „რუსთავი2“-ის ადმინისტრაცია“, - ამბობს სანიკიძე.