შერიგებისა და სამოქალაქო საკითხებში სახელმწიფო მინისტრი პაატა ზაქარეიშვილი ხურვალეთში ე.წ. საზღვრის აღმნიშვნელი ბანერის ხელმეორედ დადგმის ფაქტს პროვოკაციას უწოდებს და ამბობს, რომ ქართული მხარე ამას არ უნდა აჰყვეს.

მისი თქმით, ნებისმიერი ქმედება, იქნება ეს აფხაზეთის რკინიგზის გაწმენდა, თუ ბანერის აღმართვა, საქართველოს დესტაბილიზაციისკენ არის მიმართული.

„საოკუპაციო რეჟიმს ერთადერთი რაც დარჩათ თავიანთ არსენალში, ეს არის ბანერების გადადგმა-გადმოდგმით ჩხირკედელაობა. ბანერის იმ ადგილზე დაბრუნება მოსალოდნელი იყო. მოვუწოდებ ველას, არ ავყვეთ პროვოკაციას, ეს ხდება ოკუპირებულ ტერიტორიაზე. ნებისმიერი პროვოკაცია, ბანერის დადგმა თუ აფხაზეთის რკინიგის ბალახებისგან გაწმენდა, მიმართულია იმისკენს, რომ საქართველოში მოხდეს დესტაბილიზაცია. ჩვენ ამას არ დავუშვებთ და ჩვენი მთავრობის ამოცაა, არ განმეორდეს ის რაც მოხდა 2008 წლის აგვისტოში", - განაცხადა ზაქარეიშვილმა.