თავდაცვის მინისტრმა თინა ხიდაშელმა მუხათგვერდის ძმათა სასაფლაოზე 2008 წლის 8 აგვისტოს ომში დაღუპულთა ხსოვნას პატივი მოაგო.

მინისტრის თქმით, მას იმედი აქვს, რომ აგვისტოს დღეები ერის გაერთიანების და ერთად დგომის დამატებითი მოტივაცია იქნება.

„ასეთი დღეები ადუღაბებს ერს და ერთიანობის განცდას კიდევ უფრო მეტად უჩენს. მე დიდი იმედი მაქვს, რომ აგვისტოს ომი ისე იქნება ყოველთვის საქართველოს ისტორიაში, როგორც 7 წლის წინ, ქვეყნის გამაერთიანებელი და არა გამყოფი. ომის გაკვეთილებიდან ყველაზე მნიშვნელოვანი არის ის, რომ ასეთმა ტრაგიკულმა დღეებმა, წინააღმდეგობებმა, ომმა და აგრესიამ ქვეყანა გააერთიანოს. იმედი მაქვს, რომ საქართველოს ისტორიაში აგვისტოს დღეები იქნება ყოველთვის გამაერთიანებელი და ერთად დგომის დამატებითი მოტივაცია“, - აღნიშნა თავდაცვის მინისტრმა.