პარლამენტის თავმჯდომარის დავით უსუფაშვილის თქმით, დღევანდელი მდგომარეობით საქართველოს მთავრობამ მოახერხა ოკუპაციის შეჩერება და არა დეოკუპაცია.

ამის შესახებ უსუფაშვილმა „საზოგადოებრივი მაუწყებლის“ ეთერში განაცხადა.

მისი თქმით, დეოკუპაციის მიღწევას სერიოზული მუშაობა სჭირდება.

„ჩვენ მოვახერხეთ ოკუპაციის შეჩერება და არა დეოკუპაცია. საქართველოს აქვს წარმატება იმ თვალსაზრისით, რომ შეჩერებულია ოკუპაცია და არაღიარების პოლიტიკა იქცა მსოფლიოს პრაქტიკულად ყველა სახელმწიფოს მიერ იმ ურყევ პოზიციად. თავად დეოკუპაციის მიღწევას სჭირდება კიდევ სერიოზული მუშაობა, უფრო ხელსაყრელი გეოპოლიტიკური გარემო, რუსეთის, როგორც აგრესორისა და ოკუპანტის საერთაშორისო სამართლის ფარგლებში მოქცევა, რაც ადვილი ამოცანა არ იქნება“, - ამბობს უსუფაშვილი.