„რუსთავი 2“-ის გენერალური დირექტორი ნიკა გვარამია ტელეკომპანიის ქონების დაყადაღებასთან დაკავშირებით მოსამართლის გადაწყვეტილებას უსამართლოს უწოდებს.

ამის შესახებ გვარამიამ საგანგებო ბრიფინგზე განაცხადა.

"პირდაპირ უნდა ვთქვა, რომ მოსამართლემ უკანონო გადაწყვეტილება მიიღო. მან მედიის თავისუფლება საკუთრების უფლებაზე წინ დააყენა. ეს საკუთრების უფლებაც საეჭვოა, რადგან სარჩელი უპერსპექტივოა. სარჩელი არის ხანდაზმული, მოსარჩელე აპელირებს ძალადობრივ ჩამორთმევაზე და მას აქვს ერთწლიანი ვადა. მოსამართლე ურთმელიძე არის ზონდერ მოსამართლე, რომელიც მიეკუთვნება წულუკიანის მოსამართლეთა ჯგუფს, რომელიც დაუფარავად მუშაობდა მთავრობაში და აწყობდა სასამართლო ხელისუფლებაში გადატრიალებას მთავრობის სასარგებლოდ. ჩვენი ინფორმაციით, გუშინ ეს გადაწყვეტილება არ იყო დაწერილი მიუხედავად იმისა, რომ აღმასრულებელი ფურცლები გადაწყვეტილების გარეშე იქნა გამოწერილი. მთავრობა ელოდებოდა როგორი იქნებოდა საზოგადოების რეაქცია. მას შემდეგ რაც ნახა საზოგადოების რეაქცია მწვავე იყო, გადაწყვეტილებიდან ამოვიდა უმთავრესი პუნქტი, რომ უარი ეთქვა მოსარჩელეს, რომ დაეყადაღებინათ ჩვენი ანგარიშები“, - განაცხადა გვარამიამ.