უმრავლესობის წევრი ეკა ბესელია ხურვალეთში ე.წ. საზღვის აღმნიშვნელი ბანერის ხელმეორედ აღმართვის ფაქტს პროვოკაციად აფასებს და ამბობს, რომ მსგავს ქმედებებზე ემოციური რეაქცია არ უნდა გვქონდეს.

ამის შესახებ ბესელიამ ჟურნალისტებთან საუბრისას განაცხადა.

„გამოწვევა სწორედ იმაშია, რომ ჩვენ პროვოკაციებს კი არ უნდა ავყვეთ და მსგავსი ტიპის ქმედებებზე ემოციური რეაქცია არ უნდა გვქონდეს. მაგალითად, ისეთი არასერიოზული და უპასუხისმგებლო, როგორიც ჰქონდა ბარნოვს და სხვა მსგავს ადამიანებს, არამედ ასეთი ტიპის გამოწვევებს სახელმწიფომ უნდა უპასუხოს შესაბამისი პოლიტიკური და დიპლომატიური მექანიზმებით“, - განაცხადა ბესელიამ.