საზოგადოებრივი მოძრაობა "ივერიას" დამფუძნებელი ნინო კალანდაძე მიიჩნევს, რომ რუსეთთან მიმართებაში საქართველოს ხელისუფლების არსებული პოლიტიკა უნდა გადაიხედოს.

მისი თქმით, რუსეთ-საქართველოს ომიდან 7 წლის შემდეგ ხელისუფლება დღესაც ძალიან პასიურია.

"საქართველოს ხელისუფლება დღეს არაფერს არ აკეთებს და არის ძალიან პასიური. იმისთის, რომ რუსეთი მართლა რაღაც ნაბიჯებამდე მიიყვანო, უნდა გქონდეს ძალიან აქტიური პოლიტიკა და ყველა ფრონტი გახსნილი, როგორც შიდა ისე - საგარეო. უნდა გადაიხედოს საქართველოს ხელისუფლების პოლიტიკა, რომელიც დღეს აქვს მას რუსეთთან მიმართებაში. მან უნდა გააცნობიეროს და აღიაროს, რომ მისი პოლიტიკა, რომ ის რუსეთთან დამოუკიდებლად შეძლებს ურთიერთობების დალაგებას იყო მცდარი," - აცხადებს ნინო კალანდაძე.