ტელეკომპანია „რუსთავი 2“-ის გენერალური დირექტორი ნიკა გვარამია ქონების დაყადაღებასთან დაკავშირებით გადაწყვეტილებას სასამართლოში გაასაჩივრებს.

მისი თქმით, ამ შემთხვევაში მოდავე მხარედ არა მხოლოდ ქიბარ ხალვაში, არამედ ხელისუფლება განიხილება.

„ჩვენ ამას გავასაჩივრებთ. ეს იქნება ფართომასშტაბიანი სამართლებრივი ომი. თუმცა ეს არ არის მხოლოდ სამართლებრივ ჭრილში მიმდინარე დავა მოდავე მხარის ინიციატივით. მოდავე მხარე ცხადია, რომ არის არა ქიბარ ხალვაში, არამედ ხელისუფლება. "რუსთავი 2“-ის საქმე არის ეგზისტენციალურად მნიშვნელოვანი ქართული დემოკრატიის არსებობისთვის. ამიტომ, ნებისმიერი მოსამართლე, რომელიც ხელს მოაწერს უკანონო გადაწყვეტილებას რუსთავი 2-ის საქმეზე, მოაწერს ხელს საკუთარ პროფესიულ სიკვდილს ხელს, ამიტომ ყველას ვურჩევდი, რომ ეს არ გაეკეთებინა“, - აცხადებს გვარამია.

შეგახსენებთ, რუსთავი 2 ის ქონების ნაწილი დაყადაღებულია. კომპანიის კუთვნილ ავტომობილებს ქიბარ ხალვაშის სარჩელის საფუძველზე აღსრულების ეროვნულმა ბიურომ ყადაღა დაადო. ორშაბათს ცნობილი გახდება სასამართლოს გადაწყვეტილება - დაიწყება თუ არა სამაუწყებლო კომპანიასთან სამართლებრივი დავა.