ევროინტეგრაციის საკითხებში სახელმწიფო მინისტრის დავით ბაქრაძის თქმით, ევროკავშირი რუსეთთან მიმართებაში საქართველოს სახელმწიფოს პრაგმატულ პოლიტიკას პოზიტიურად აფასებს.

ამის შესახებ ბაქრაძემ მოსალოდნელ რუსულ ემბარგოზე საუბრისას განაცხადა.

"სანქციებთან დაკავშირებით გასულ წელს, ასევე წელსაც საგარეო საქმეთა სამინისტრო შესაბამის კონსულტაციებს გადის ევროკავშირთან. გამომდინარე იქიდან, რომ ევროკავშირიც თავის მხრივ ძალიან პოზიტიურად აფასებს ჩვენი სახელმწიფოს პრაგმატულ და დეესკალაციის პოლიტიკას რუსეთთან დაკავშირებით, შესაბამისად ეს საკითხი არ განიხილება იმ კონტექსტში, რომელიც საქართველო-ევროკავშირის ინტეგრაციას უკავშირდება და არანაირ შეფერხებას ამ თვალსაზრისით არ წარმოადგენს", - განაცხადა დავით ბაქრაძემ.