ექსპერტი ელენე ხოშტარია რუსეთის წინააღმდეგ სანქციებთან დაკავშირებით პრემიერის განცხადებას ეხმაურება.

„- იმის ნაცვლად რომ ვეცადოთ რუსეთი უკრაინის მიზეზთან ერთად საქართველოს გამოც იყოს სანქცირებული ვემიჯნებით სანქციებს

- იმის ნაცვლად, რომ ემბარგოს უკანონო დავუძახოთ, ვიბრალებთ ჩვენ თავზე

- იმის ნაცვლად, რომ ანექსიაზე, ოკუპაციაზე, მავთულხლართებზე, მილსადენზე...ვილაპარაკოთ, პროგრესი გვაქვსო ვამბობთ

- იმის ნაცვლად, რომ ნატო-ში წევრობით დავიცვათ თავი, ნატო-ს ინფრასტრუქტურა არ განლაგდება ვამბობთ

- იმის ნაცვლად, რომ რუსეთის მუქარას საერთაშორისო რეაქცია დავუპირისპიროთ, ვამბობთ - "მეტს აღარ ვიზამთ, არ გავატარებთ ჩვენს ინტერესებს"

საშიშია ეს ყველაფერი...“, - წერს ხოშტარია.

საქართველო არ აპირებს რუსეთის წინააღმდეგ დაწესებულ სანქციებს შეუერთდეს. ამის შესახებ ჟურნალისტებთან საუბრისას პრემიერ-მინისტრმა განაცხადა.

მისი თქმით, ამ გადაწყვეტილებას რამდენიმე მიზეზი აქვს და ერთ-ერთი არის ის, რომ საქართველომ ბოლო სამი წლის განმავლობაში რუსეთთთან სავაჭრო ურთიერთობების მიმართულებით დიდ წინსვლას მიაღწია.