ნიკა გვარამია - დღეს ხელისუფლების და ხალვაშის წარმომადგენელი "რუსთავი 2"-ის ბორდში არის "რიჟა"

პოლიტიკა - 22:13, 05 Aug, 2015

4946

ნიკა გვარამია ქიბარ ხალვაშის სარჩელთან დაკავშირებით გაკეთებულ კომენტარში ტელეკომპანიის წილების შესაძლო გასხვისებასაც შეეხო. გვარამია განმარტავს, რომ ეს ფაქტობრივად ამჟამადაც შეუძლებელია, რადგან "რუსთავი 2"-ის ბორდში ხელისუფლებას და ქიბარ ხალვაშს ჰყავს საკუთარი წარმომადგენელი - ვინმე "რიჟა", რომელიც ბლოკავს წილების გასხვისებას და ხელს უშლის კომპანიის ეკონომიკურ განვითარებას.

"ქიბარ ხალვაში არ არის პირველი ვინც ხელისუფლების მხრიდან „რუსთავი 2“-ის მიმართ ზეწოლას აწარმოებს. თუ აქამდე საზოგადოებამ არ იცოდა მე შემიძლია დღესვე გითხრათ, „რუსთავი 2“-ის მეწილე 9%-ში არის გარდაცვლილი გოგი გეგეშიძე, რომლის ცოლი, მისი მემკვიდრე, არის მთლიანად ანგაჟირებული ხელისუფლების მიერ. მისი წარმომადგენელი დღეს რეალურად არის ე.წ. საზოგადოებისთვის სამწუხაროდ ცნობილი ყბადაღებული „რიჟა“, რომელიც იღებს მონაწილეობას „რუსთავი 2“-ის ბორდის სხდომებში და ბლოკავს ყველანაირ წილის გასხვისებას და ამით ეწინააღმდეგება კომპანიის ეკონომიკურ განვითარებას, ამიტომ ხელისუფლებამ და ქიბარ ხალვაშმა ძალიან კარგად იციან - რომც გვინდოდეს ამ წილების გასხვისება ეს თეორიულად შეუძლებელია იმიტომ, რომ ვეტოს უფლება აქვს მათსავე წარმომადგენელ „რიჟას“, მე მისი სახელი და გვარიც არ მახსოვს,
ეს არის მოგონილი და თითიდან გამოწოვილი მიზეზი, მიზანი არის აბსოლუტურად განსხვავებული, ეს არის ბოლო შეტევა, ყველამ ძალიან კარგად იცის, რომ ეს არის ბოლო ზაფხული როდესაც დიპლომატების აქ არყოფნის პერიოდში შესაძლებელია რამე გამოტყუონ სასამართლოს და საზოგადოების ყურადღებაც მოადუნონ იმიტომ, რომ შემდეგი წელი არის საარჩევნო წელი და ეს უბრალოდ თეორიულად შესაძლებელი იქნება, მაგრამ მე მათ ვპირდები „რუსთავი 2“-ის ყველა მაყურებელთან ერთად, მარტო მე არა, „რუსთავი 2“-ის ყველა თანამშრომელი და ყველა მაყურებელი მათ ჰპირდება - მაღლა მზე იქნება და „რუსთავი 2“ იქნება იქ სადაც არის, არაფერი მეგობრებო არ გამოვა აქედან," - აცხადებს ნიკა გვარამია.