საქართველოში აშშ-ის ელჩის მოვალეობის შემსრულებელი ნიკოლას ბერლინერი ოკუპირებულ რეგიონში არსებულ ვითარებას ეხმაურება და ამბობს, რომ ადგილზე ფორმალური ბარიერები არ უნდა არსებობდეს.

ბერლინერი შექმნილი ვითარების განსახილველად ჟენევის ფორმატი მაქსიმალურად გამოყენებაზე საუბრობს.

„ე.წ. საზღვარს, სადაც ბანერებს ამონტაჟებენ საერთაშორისო საზოგადოება არ აღიარებს. შეერთებული შტატები მხარს უჭერს საქართველოს ტერიტორიულ მთლიანობას და რა თქმა უნდა, ჩვენ არ ვცნობთ ხელოვნურ საზღვრებს, რომელიც ხელს უშლის დიალოგს. ბორდერიზაცია დაუშვებელია. ჩვენ მოვუწოდებთ მხარეებს პრობლემის მშვიდობიანად დარეგულირებისკენ. ასევე ვემხრობით პრობლემაზე მსჯელობას ჟენევის ფორმატში" - განაცხადა ნიკოლას ბერლინერიმ.