უთანხმოება ოკუპირებული აფხაზეთის ე.წ. მთავრობასა და რუსულ ,,როსნეფტს“ შორის

პოლიტიკა - 18:40, 01 Aug, 2015

2772

რუსული სახელმწიფო ნავთობკომპანია “როსნეფტი“ მზადაა შეაჩეროს სამუშაოები აფხაზეთში, სანამ არ დასრულდება შემოწმება, თუ რამდენად კანონიერი იყო შეთანხმება აფხაზეთის სანაპირო შელფზე ნავთობის მოპოვების სამუშაოების წარმოების შესახებ. კომპანია იმედოვნებს, რომ ეს პროცედურები უახლოეს ხანებში დასრულდება, რუსული კომპანია სეპარატისტული აფხაზეთის მთავრობას აფრთხილებს, რომ ეს უარყოფითად იმოქმედებს როგორც აფხაზეთის ეკონომიკაზე, მოსახელობის დასაქმებასა და საბიუჯეტო შემოსავლებნზე, ასევე მძიმე ზარალს მიაყენებს თავდა „როსნეფტს“, რის გამოც კომპანია იძულებული გახდება აფხაზეთის მთავრობას ზარალის ანაზღაურება მოსთხოვოს.

აღნიშნულ საკითხთან დაკავშირებით, სეპარატისტული აფხაზეთის ე.წ. მთავრობამ დაავალა პარლამენტს შეესწავლა სანაპირო შელფში ნავთობსაძიებო სამუშაოების წარმოების შესახებ შეთანხმება.

„როსნეფტი“ ამჟამად ოკუპირებულ ტერიტორიაზე რამოდენიმე პროექტს ახორციელებს - ნავთობმომარაგების ქსელის შექმნა, გეოლოგიური სადაზვერვო სამუშაოები, სოციალური და კულტურული ობიექტების მშენებლობა და სხვ.

2014-ში კომპანიამ 47 ათასი ტონა ნავთობპროდუქტი შეიტანა, 2015 წლის პირველ ნახევარში -13,5 ათასი ტონა.

კომპანიამ გუდაუთის წყლებში ჩაატარა გეოფიზიკური, გეოქიმიური და სეისმური სადაზვერვო სამუშაოები და ამჟამად მზადაა დაიწყოს შელფის ბურღვა, ნავთობის მოპოვების მიზნით.

კომპანია ასევე აპირებს სანატორიუმი ააშენოს ბიჭვინთაში.