„ნაციონალური მოძრაობის“ ერთ-ერთი ლიდერი გიგა ბოკერია მიიჩნევს, რომ თანამდებობებზე ივანიშვილის პირადი მარიონეტები ინიშნებიან.

მისი თქმით, ეს ხდება იმირომ, რომ ებრძოლონ პოლიტიკურ ოპონენტებს და არა კრიმინალს.

"შინაგან საქმეთა მინისტრის პოსტზე გიორგი მღებრიშვილის კანდიდატურა კიდევ ერთხელ გვახსენებს იმ მთავარ პრობლემას, რომელსაც ივანიშვილის მარიონეტებით დაკომპლექტებული სისტემა ჰქვია. უმნიშვნელოვანეს თანამდებობებზე ინიშნებიან ივანიშვილის პირადი მარიონეტები, რათა ემსახურონ მას და არა ხალხს და კანონს; ებრძოლონ მის პოლიტიკურ ოპონენტებს და არა კრიმინალს. მთავარი პრობლემა არის ის, რომ ივანიშვილი უნდა ჩამოვაცილოთ მთავრობას და ქვეყანა უფსკრულისკენ მიმავალი გზიდან ვიხსნათ", - განაცხადა გიგა ბოკერიამ.

შეგახსენებთ, კახი კახიშვილის კანდიდატურა პრემიერმა სასჯელაღსრულების მინისტრის პოსტზე წარადგინა. მისი წინამორბედი გიორგი მღებრიშვილი კი შინაგან საქმეთა მინისტრი იქნება.