თავდაცვის მინისტრი თინა ხიდაშელი ფიქრობს, რომ სავალდებულო გაწვევა ქვეყანაში არ უნდა იყოს. თუმცა განმარტავს, რომ სავალდებულო გაწვევის კანონით აკრძალვის მომხრე არ არის.

„მე წინააღმდეგი ვარ სავალდებულო გაწვევის არსებობის და მგონია, რომ ჯარი რაც მეტად არის კონტრაქტზე ორიენტირებული, მით უფრო მეტი შესაძლებლობის მატარებელია, მაგრამ აბსოლუტური აკრძალვის წინააღმდეგი ვარ. ქართული ჯარი ცვლილებისთვის მზად არის, რადგან იცით, რომ შეიარაღებულ ძალებში აღნიშნული კატეგორიის ჯარისკაცი 7-8%-ია. ეს თავისთავად ადასტურებს იმას, რომ ჯარი ამისთვის მზად არის. 2016 წლის შემდეგ აღარ გვეყოლებიან ასეთი ჯარისკაცები", - განაცხადა თინა ხიდაშელმა.