დევნილთა მინისტრი სოზარ სუბარი მის უწყებასთან გამართული აქციის მონაწილეებს პასუხობს. მისი თქმით, ყოფილი სამხედრო ჰოსპიტალის შენობა დევნილთა და განსახლების სამინისტროს 2014 წლის 8 აპრილს გადმოეცა.

„შენობის სარეაბილიტაციო სამუშაოების განხორციელებისათვის ტენდერი გამოცხადდა 2015 წლის 8 აპრილს და დასრულდა 30 აპრილს. სატენდერო ღირებულება შეადგენდა 4 238 620 ლარს.

2015 წლის 3 ივლისს ხელშეკრულება გაფორმდა ტენდერში გამარჯვებულ სამშენებლო კომპანიასთან „მშენებელი 2011“ (ღირებულება 3 776 859ლარი).

ტაციო სამუშაოების შემდეგ, გრძელვადიანი განსახლების კრიტერიუმების შესაბამისად, საცხოვრებელ ფართს მიიღებს 160 დევნილი ოჯახი. 2014 წლის ნოემბერში შენობიდან 100-ზე მეტი დევნილი ოჯახი ქირით იქნა გაყვანილი. აქედან, 80 ოჯახს სამინისტრო დღემდე უხდის ქირას 250-300 ლარის ოდენობით. ხოლო დარჩენილ 20 ოჯახს აღმოაჩნდა საკუთრება. აღნიშნული დევნილი ოჯახების ქირით უზრუნველყოფისათვის სამინისტრო ყოველთვიურად 25 000 ლარს ხარჯავს.

დევნილი ოჯახების ქირით უზრუნველყოფისათვის სამინისტრო ჯამში ყოველთვიურად 70 000 ლარს ხარჯავს, მხოლოდ მიმდინარე წელს ქირისათვის გადარიცხული იქნა 507 000 ლარი.

დევნილები შენობიდან გაყვანილ იქნენ 2014 წლის ნოემბერში, ხოლო ტენდერმა 2015 წლის ივლისამდე დააგვიანა, იმის გამო, რომ შენობაში გაჩნდა ხანძარი (ემსხვერპლა ბავშვის სიცოცხლე) და საჭირო გახდა ობიექტისათვის დამატებითი ექსპერტიზის ჩატარება“, - ამბობს სუბარი.

მისივე თქმით, მერია იმ სოციალურად დაუცველებს, რომელთაც საქართველოს სხვადასხვა რეგიონებში საცხოვრებელი გააჩნიათ და თბილისში იმისთვის ჩამოვიდნენ, რომ ბინის მიღება შეძლონ, არ დაეხმარება.

"რამდენი მიტინგი არ უნდა გამართონ, მათ ეს შენობა არ დაუკანონდებათ", - აღნიშნა სოზარ სუბარმა.