ხსნის პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური „ეროვნული ბანკის შესახებ“ კანონპროექტზე ვეტოს დადებასთან დაკავშირებით პრეზიდენტის გადაწყვეტილებას უარყოფითად აფასებს.

მისი თქმით, გიორგი მარგველაშვილმა ამით ხალხს თავი შეახსენა, რომ პრეზიდენტია.

მეჭიაური გიორგი მარგველაშვილის გადაწყვეტილებას უარგუმენტოს უწოდებს და დარწმუნებულია, რომ პარლამენტი ვეტოს დაძლევს.

„მან ხალხს თავი შეახსენა, რომ პრეზიდენტია. კომერციული ბანკების ასოციაციამ ჩვენს მიერ მიღებულ კანონს ცალსახად დაუჭირა მხარი. მათი რეკომენდაციების უდიდესი ნაწილი გათვალისწინებულია. პრეზიდენტს ჰყავს თავისი არასამთავრობოები, რამდენიმე ბიზნეს წრე, რომლებიც ვის წარმოადგენენ, ხალხის რომელ ფენას, არავინ იცის. ან თვითონ რომელ ამომრჩეველს ეყრდნობა? ვინც ის აირჩია, ის ხალხი მიატოვა ", - განაცხადა თამაზ მეჭიაურმა.