„ეროვნული ბანკის შესახებ“ კანონპროექტთან დაკავშირებით პრეზიდენტის მოტივირებული შენიშვნები პარლამენტს დღის ბოლომდე გადაეგზავნება.

ამის შესახებ პრეზიდენტის საპარლამენტო მდივანმა გიორგი კვერენჩხილაძემ განაცხადა.

"რაც შეეხება თავად ვეტოს დაძლევის საკითხს, ვეტო არისხელისუფლების დაბალანსების და უკეთესი საკანონმდებლო პროდუქტის, უკეთესი ხარისხის კანონების მიღების ერთ-ერთი ყველაზე ქმედითი ბერკეტი. მოტივირებული შენიშვნები პარლამენტში დღეს დღის ბოლომდე იქნება გადაგზავნილი. პარლამენტს აქვს გარკვეული ვადები თუმცა, ახლა არის საპარლამენტო არდადეგები. თუმცა პრეზიდენტს რიგგარეშე სხდომის მოწვევის უფლება აქვს. შესაბამისად ახლა იქნება ეს საკითხი განხილული თუ საშემოდგომო სესიაზე, ეს პარლამენტის გადაწყვეტილებაზეა დამოკიდებული", - განაცხადა გიორგი კვერენჩხილაძემ.