,,პრეზიდენტმა თუ ორ დღეში შემოგვთავაზა ის, რაზეც ჩვენ სამი წელი ვფიქრობდით, ამას განვიხილავთ“

პოლიტიკა - 12:42, 31 Jul, 2015

2199

უმრავლესობის წევრი ლევან ბერძეშვილი „ეროვნული ბანკის შესახებ“ კანონპროექტზე ვეტოს დადებას ეხმაურება და ვარაუდობს, რომ პარლამენტი პრეზიდენტის ვეტოს დაძლევს.

„ნიუპოსტთან“ საუბარში დეპუტატი არ გამორიცხავს, რომ თუ პრეზიდენტის ადმინისტრაციის მიერ შემუშავებული ალტერნატიული კანონპროექტი მისთვის მისაღები იქნება, ვეტოს დაძლევაში მონაწილეობა არ მიიღოს.

„მე ვარ დეპტატი, რომელმაც მიიღო ის კანონი, რომელსაც პრეზიდენტმა ვეტო დაადო. შევეცდებით შევიკრიბოთ პარლამენტში და განვიხილოთ ეს საკითხი. ვეტოსაც დავძლევთ ალბათ. რამდენად სწორია ეს გადაწყვეტილება, ეს ჩვენი პრობლემა არ არის. სწორედ რომ მიგვაჩნდეს, მადლობას ვეტყოდით. ჩვენ ვნახავთ რას გვთავაზობს პრეზიდენტი. მის მოწოდებასაც გავითვალისწინებთ. ჯერ არ ვიცით რას გვთავაზობს. არ ვიცით მისი ხედვა. თუ პრეზიდენტმა ორ დღეში შემოგვთავაზა ის, რაზეც ჩვენ სამი წელი ვფიქრობდით, ამას განვიხილავთ. უფრო მოსალოდნელია, რომ ვეტო დავძლიოთ. კიდევ ერთხელ ვამბობ, თუ ექნება პრეზიდენტს გონივრული რჩევა გავითვალისწინებთ“, - განაცხადა ბერძენიშვილმა.

პრეზიდენტიმა „ეროვნული ბანკის შესახებ“ კანონპროექტს ვეტო დაადო.