რუსეთსა და ე.წ. სამხრეთ ოსეთს შორის ე. წ. მოკავშირეობისა და ინტეგრაციის შესახებ შეთანხმება ოფიციალურად ძალაში შევიდა. ამის შესახებ ინფორმაციას რუსეთის საგარეო უწყება ავრცელებს.

რწმუნებათა სიგელები კი ერთმანეთს საგარეო საქმეთა მინისტრის მოადგილემ, გრიგორი კარასინმა და ოკუპირებული ცხინვალის ე. წ. ელჩმა გაცვალეს.

მოკავშირეობისა და ინტეგრაციის შესახებ შეთანხმებას ვლადიმერ პუტინმა ოკუპირებული რეჟიმის ლიდერთან ლეონიდ თიბილოვთან ერთად ხელი 18 მარტს მოაწერა. მოგვიანებით მისი რატიფიცირება მოსკოვისა და ცხინვალის საკანონმდებლო ორგანოებმა მოახდინა.

ე.წ. შეთანხმება ითვალისწინებს თანმიმდევრული საგარეო პოლიტიკას, საერთო თავდაცვისა და უსაფრთხოების შექმნას, სამართალდამცავი ორგანოების თანამშრომლობას.