ვიცე-პრემიერი კახი კალაძე მიიჩნევს, რომ ეროვნული ბანკის შესახებ კანონპროექტთან დაკავშირებულ საკითხს მშვიდად უნდა მოეკიდოს ყველა, რადგან საქმე ბიზნესსექტორს ეხება.

მისი თქმით, აღნიშნულ თემასთან დაკავშირებით ბოლო დროს გაკეთებული განცხადებები პოლიტიკურად მოტივირებულია.

„პრეზიდენტის ადმინისტრაციის და "ნაციონალური მოძრაობის" მხრიდან გვესმოდა, რომ ისინი ეროვნული ბანკის შესახებ კანონპროექტის ალტერნატივას წარმოადგენდნენ, თუმცა დღემდე არაფერია წარმოდგენილი. ამ კანონპროექტზე კონკრეტულმა ადამიანებმა ორი თვის განმავლობაში იმუშავეს, ასევე ევროკავშირის წარმომადგენლებთან მიმდინარეობა კონსულტაციები. გუშინ პრემიერ-მინისტრის შეხვედრა გაიმართა აზიმ სადიკოვთან, სადაც შეჯერებული იყო ის შენიშვნები, რომელიც ჩვენ გავითვალისწინეთ“, - აღნიშნა კალაძემ.