სასჯელაღსრულების მინისტრის გიორგი მღებრიშვილი უარყოფს ინფორმაციას, რომ პოლიციელების მკვლელობაში ბრალდებული შალვა აბულაძე ციხეში გაუსაძლის პირობებში იმყოფება.

ამის შესახებ მღებრიშვილმა მთავრობის სხდომის დასრულების შემდეგ განაცხადა.

"ეს ტყუილია. მე კიდევ გეუბნებით, რომ ასეთი ინფორმაცია არ მაქვს და ვერც მექნება, რადგან სიმართლეს არ შეესაბამება“, - განაცხადა გიორგი მღებრიშვილმა.

პოლიციელების მკვლელობაში ბრალდებული შალვა აბულაძის უფლებების დამცველი შალვა ხაჭაპურიძე ამბობს, რომ აბულაძე პროცესებზე ტანსაცმლის უქონლობის გამო ვერ ცხადდება.

„ნიუპოსტთან“ საუბარში ხაჭაპურიძე აბულაძის გაუსაძლის პირობებზე საუბრობს.