უმრავლესობის წევრის ანი მიროტაძის თქმით, ამ ეტაპზე არ არსებობს იმის აუცილებლობა, რომ თურქეთში გამგზავრების მსურველი საქართველოს მოქალაქეებს შეზღუდვები დაუწესდეს.

ამის შესახებ მიროტაძემ ჟურნალისტებთან საუბრისას განაცხადა.

„ამ ეტაპზე იმის აუცილებლობა, რომ გავაფრთხილოთ ჩვენი მოქალაქეები თავი შეიკაონ თურქეთის ტერიტორიაზე გადასვლისგან არ არსებობს. თუმცა მინდა გითხრათ, რომ ჩვენთვის თითოეული მოქალაქის სიცოცხლე ძვირფასია. ამიტომ თუ დავინახავთ, რომ კონფლიქტი დაღვივდა და არსებობს საფრთხე, ასეთ შემთხვევაში ჩვენი ხელისუფლება იქნება ადეკვაკვატური“, - განაცხადა ანი მიროტაძემ.

შეგახსენებთ, თურქეთის ავიაციამ ერაყის ჩრდილოეთში, ქურთ მებრძოლებზე ბოლო პერიოდში ყველაზე მასობრივი საჰაერო იერიში განახორციელა.