პრემიერ-მინისტრი მიიჩნევს, რომ „ეროვნული ბანკის შესახებ კანონპროექტზე“ ვეტოს დადების აუცილებლობა არ არსებობს.

ირაკლი ღარიბაშვილის თქმით, აღნიშნულ საკითხზე ხელოვნური აჟიოტაჟია ატეხილი.

როგორც პრემიერი ამბობს, ყველა შენიშვნა რაც საერთაშორისო და არასამთავრობო ორგანიზაციებს ჰქონდათ კანონპროექტთან დაკავშირებით, გათვალისწინებულია.

„კატეგორიულად მიუღებელი ის აჟიოტაჟი, რომელიც ჩვენმა ე.წ. ოპონენტებმა ატეხეს. სამწუხაროა, რომ პრეზიდენტი მათ აჟიოტაჟს და ჟრიამულს შეუერთდა. ეს არის ხელოვნურად აგორებულ კამპანია, რომელიც ბიზნესგარეოს აზიანებს. ამ ადამაინებს არ ესმით, რა არის სახელმწიფო და სახელმწიფოს ინტერესები. მათ გაცნობიერებული არ აქვთ პასუხისმგებლობა, რომელიც საკუთარ ხალხის წინაშე აკისრიათ. ეს არის უპასუხისმგებლო დამოკიდებულება, ვგულისხმობ ყველა იმ ადამიანს, ვინც ხელოვნურად ქმნის აჯიოტაჟს. გეტყვით ერთ მაგალითს, პოლონეთის საბანკო სისტემა მსოფლიოში აღიარებულია. პოლონეთის საბანკო სისტემაში ზედამხედველობის სისტემა არის ცალკე. შესაბამისად, მე მაქვს კითხვა, თუ პოლონეთის საბანკო სისტემა არის საუკეთესი და ჩვენ ვაკეთებთ იმას, რაც არის საუკეთესო, რატომ არის მაშინ კითხვები?“, - ამბობს პრემიერი.