28 ივლისს, რუბლი კვლავ დაეცა 1 დოლარი 60,40 რუბლზე მეტი გახდა, ხოლო ევრო - 67, რაც შარშანდელ მონაცემებზე მეტია.

ამასთან, რუსეთის ეკონომიკური განვითარების მინისტრმა ალექსეი ულიუკაევმა გააკეთა პროგნოზი, რომ წლის ბოლომდე რუსული ვალუტა, დოლართან მიმართებაში 50-60 რუბლის ფარგლებში ითამაშებს, თუ მსოფლიო სავალუტო ბირჟაზე რაიმე ექსტრაორდინალური არ მოხდა.

ამასთან, მინისტრმა განაცხადა, რომ რუბლის ვარდნის მიზეზი ნავთობზე ფასის დაცემაა.

„ჩვენ ვხედავთ, რომ ხდება ნავთობის ფასის ვარდნა - ამჯერად, მსოფლიოს ბირჟებზე ნავთობის ფასი 54 დოლარია, ხოლო ჩვენი ნავთობის საშუალო ფასი 57 დოლარია. თუ ეს ფასი მსოფლიოში შენარჩუნდა, დოლარის კურსიც შეგვინარჩუნდება 50-60 რუბლის ფარგლებში,“ - აცხადებს მინისტრი.