თავდაცვის მინისტრი უწყების მშენებარე ობიექტებზე მომუშავე კომპანიებს ინფრასტრუქტურული სამუშაოების განხორციელებას დროს მეტი პასუხისმგებლობისკენ მოუწოდებს.

მისი თქმით, მესამე თვეა ბაზებზე ინფრასტრუქტურას ამოწმებს, სადაც მშენებლობის კუთხით უზარმაზარი პრობლემებია.

„მივმართავს ბიზნესმენს და კომპანიას, რომელიც თავდაცვის სამინისტროსთან მუშაობს, შეასრულონ საკუთარი ვალდებულება, რომელსაც იღებენ. წინააღმდეგ შემთხვევაში იძულებული ვიქნებით, რომ ერთის მხრივ კანონმდებლობით გათვალისწინებული ყველა ზომა გამოვიყენოთ, რათა ზარალი ანაზღაურდეს და საბოლოო ჯამში მივიღოთ ის შედეგი, რაზეც თავის დროზე ტენდერი იყო გამოცხადებული. მეორე მხრივ ამ კომპანიებთან დაკავშირებით შევეცდებით, გავატაროთ სანქციები", - განაცხადა თინა ხიდაშელმა.