ეროვნული ბანკის პრეზიდენტი მიიჩნევს, რომ ეროვნული ვალუტის გასამყარებლად სავალუტო შემოდინებებია საჭირო და არა ეროვნულ ბანკზე შეტევა.

ამის შესახებ ქადაგიძემ ჟურნალისტებთან საუბრისას განაცხადა.

მისი თქმით, ეროვნული ბანკი აკეთებს ყველაფერს, რომ ლარის კურსი დასტაბილურდეს.

"ლარის კურსის მერყეობასთან დაკავშირებით მნიშვნელოვან უარყოფით გავლენას ახდენს ზოგადად ის დაუღალავი კამპანია ეროვნული ბანკის წინააღმდეგ და რა თქმა უნდა, მუდმივი შეტევა რეფინანსირების განაკვეთზე, რომელსაც არანაირი პირდაპირი კავშირი ლარის კუსთან არ აქვს," - განაცხადა გიორგი ქადაგიძემ.