ეროვნული ბანკის პრეზიდენტი გიორგი ქადაგიძე ეროვნული ბანკის შესახებ კანონპროექტს საფრთხის შემცველს უწოდებს.

მისი თქმით, კანონპროექტში შეუსაბამობაშია კონსტიტუციასთან და ასოცირების დღის წესრიგთან.

სებ-ის პრეზიდენტი მიიჩნევს, რომ კანონის მიღება ეროვნული ბანკის დასუსტებას ემსახურება.

„კანონის ასეთი ფორმით მიღება მნიშვნელოვნად დააზიანებს მთლიანად სექტორს, უკვე აზარალებს ინვესტორების განწყობას და საბოლოო ჯამში მის უარყოფით შედეგებს თითოეული ჩვენი მოქალაქე საკუთარ ჯიბეზე იგრძნობს. კანონპროექტზე პრეზიდენტის ვეტო არის ის კიდევ ერთი შესაძლებლობა პარლამენტის წევრებისთვის, რომ თავის გადაწყვეტილებას გადახედონ. ეს კანონი არის ძალიან დიდი საფრთხის შემცველი. კანონის ამ ფორმით მიღება არ შეიძლება. არც ერთი თავმოყვარე ეკონომისტი დადებითად ამ პროექტს არ აფასებს“, - განაცხადა ქადაგიძემ.